Seri-toorjâkuávdááh Suomâst
Seri-toorjâkuávdááh tipšoh já išedeh ulmuid, kiäh láá kierdâm seksualviehâvääldi
Toorjâkuávdážân puáhtá moonnâđ jiečânis, oovtâst aldaaš ulmuin tâi virgeulmuu avžuuttâsâst. Seri-toorjâkuávdáást iše finnee oovtâ saajeest. Pargeeh pyehtih táárbu mield stivriđ äššigâs toorjâkuávdáást suu tárboid čuosâttum eres sierânâspalvâlusâi piällás.
Seri-toorjâkuávdáš fáálá
- riehtitalhâstieđâlii tutkâmuš
- talhâstieđâlii tipšom
- traumatorjuu
- psykologisii ravvim
- táárbu mield stivrim jotkâtiipšon.
Seri-toorjâkuávdáid pyehtih moonnâđ puoh 16 ihheed tiävdám ulmuuh suhâpeeleest sorjohánnáá. Tutkâm já tipšom láá ain äššigâsân nuuvtá.
18 ihheed tiävdám ulmuuh finnejeh tutkâmušâid já tipšom, veikkâ iä liččiigin almottâm tábáhtusâst poolisân, mut toorjâkuávdáá pargeeh iävtutteh toohâđ almottâs.
Seri-toorjâkuávdážân puáhtá moonnâđ oovtâ mánuppaje ääigi seksualviehâvälditábáhtus maŋa. Toorjâkuávdážân kannat ain suáittiđ vistig.
Seri-toorjâkuávdáá toimâ vuáđuduvá Istanbul sopâmuššân tubdum Euroop rääđi almossopâmušân nisonáid čyeccee viehâvääldi já perâviehâvääldi estimist já tuástumist. Sopâmuš kenigit enâmijd vuáđudiđ älkkeht finnimnáál toorjâkuávdáid seksualviehâvääldi uuhrij várás.
Lasetiäđuh
Aldemus Seri-toorjâkuávdáá saje já ohtâvuođâväldimtiäđuid tun kaavnah www.thl.fi/seri
