Seri-doarjjaguovddážat Suomas
Seri-doarjjaguovddážat dikšot ja veahkehit seksuálaveahkaválddi vásihan olbmuid
Doarjjaguovddážii sáhttá ohcalit ieš, ovttas lagamuččain dahje nu, ahte virgeoapmahaš láide dohko. Seri-doarjjaguovddážis veahki oažžu ovtta sajis. Doarjjaguovddážis áššehasa sáhttet dárbbu mielde láidet eará sierrabálvalusaide mat vástidit su dárbbuid.
Seri-doarjjaguovddáš fállá
- Riektemedisiinnalaš dutkamuša
- medisiinnalaš divššu
- traumadoarjaga
- psykologalaš rávvema
- dárbbu mielde joatkkadikšui láidema.
Seri-doarjjaguovddážii sáhttet mannat buot 16 jagi deavdán sohkabeales beroškeahttá. Dutkamuš ja dikšu leat áššehassii álo nuvttá.
18 jagi deavdán ii dárbbaš dahkat almmuhusa bolesii vai oažžu dutkamušaid dahje divššu, vaikko almmuhusa dahkamii ávžžuhitge.
Seri-doarjjaguovddážii sáhttá ohcalit ovtta mánotbaji siste seksuála veahkaváldevásáhusa maŋŋá. Doarjjaguovddážii gánnáha álo riŋget ovddalgihtii.
Seri-doarjjaguovddáža doaibma vuođđuduvvá Eurohpá ráđi oppalašsoahpamuššii nissonolbmuide čuohcci veahkaválddi ja bearašveahkaválddi eastadeamis ja dustemis. Soahpamuš lea dovddus Istanbul soahpamuššan (Istanbulin sopimus). Soahpamuš geatnegahttá stáhtaid vuođđudit álkit olahahtti doarjjaguovddážiid seksuálaveahkaválddi oaffariidda.
Lassedieđut
Lagamus Seri-doarjjaguovddáža ja oktavuođaváldindieđuid gávnnat www.thl.fi/seri
